Race for who go become Cameroon e next president don start as candidates komot for different parts of de kontri for sweet-to voters for October 7 elections.
Akere Muna- Popular Front for Development, PFD
Akere Muna launch e campaign na convention for Yaoundé. E analyse how kontri di move for four different areas; democratic governance, economic and how deh di manage public resources, and how for keep socio-economic development.
E say with be experience, as former president for Transparency International, and person weh e don helep oda kontris for fight corruption e go make sure say corruption finish for for kontri.
“Ah know wusai de moni dey weh deh tiefam and once ah become president ah go bring’am back, make young pipo get work, increase salaries, change economy and give kontri pipo good life”, Akere tok.
For Anglophone crisis, Prince Ekosso, president for United Socialist Democratic Party, USDP, say na only Akere Muna as pesin weh e deh inside de crisis weh e know wusai shoe di pinch fit solve de anglophone crisis.
Maurice Kamto-Cameroon Renaissance Movement, CMR
Cameroon Renaissance Movement mash-mash for civil administrator for Douala e ban komot start dia campaign as deh bin plan’am.
De Divisional Officer for Douala, Ekoa Mbarga Jean Marc for write for MRC secretary general for MRC say deh no go fit start dia sweep-mop for win voters for Douala.
De reason DO bi say place no dey for de area weh deh wan hold dia meeting weh e no go disturb traffic.
But Maurice Kamto and e party no even care about DO e ban, deh go for dia meeting point and do dia meet as deh plan’am.
Paul Biya – Cameroon People’s Democratic Movement, CPDM
President Biya weh e don rule kontri for 36 years and e don reach 86 years no di shake for even tok or go round for campaign.
Na yi party pipo di do campaign for e. Na so Prime Minister Philemon Yang and Territorial Administration Minister, Paul Atanga Nji go launch campaign for Northwest for congress hall and deh put divisional campaign mimbas.
Joshua Osih – Social Democratic Front, SDF
Main opposition party SDF presidential candidate launch e own campaign for Mungo for Littoral region as e komot Douala through Dimbombari, Mbanga and Nkonsamba.
As e stop for all place, e say e wan increase minimum wage from weh e no reach HCFA 50,000 to FCFA 160,000. E condemn de Anglophone crisis and wan brin good solution once deh become president.
Oda candidates too deh for field di tok to to voters and pipo go det dia campaign as days di go.
Di MBGN show don end and na one Miss Anita win the prize the show happen for Bayelsa State, Tuface come perform for the show.
Miss Anita Ukah don become di most beautiful girl in Nigeria. She win thirty six odas wey follow contest for di 2018 Most Beautiful Girl in Nigeria (MBGN) pageant wey dem do for Bayelsa state south south Nigeria.
Di win mean say na she go represent Nigeria for di Miss World pageant wey dem go do for China for December 8 2018.
23 years old Anita na di current Miss Imo state. She be graduate from Igbinedion University, Okada, Edo state wia she bin win most beautiful for di school.
Pipul for Osun State south west Nigeria go elect tear-rubber govnor for di state on Saturday 22 September.
Over 47 candidates from different political parties dey contest di election to choose who go replace Govnor Rauf Aregbesola wey don sidon for di seat since 2010 for Osun State.
Dis na some of di ogbonge pipul wey follow dey contest to be govnor for di state.
Just click on each candidate to read more about di pesin.
Ademola Adeleke People’s Democratic Party (PDP)
Dem born am 13th May, 1960 for Enugu inside di family of Senator Raji Ayoola and Nnena Esther Adeleke from Ede
E begin school wit Methodist Primary school for Surulere Lagos and Nuwarudeen primary school Ikire, e go Seventh Day Adventist and Muslim Grammar School Ede, and also study Criminology for Jacksonville State University Alabama USA
E be di Group Executive Director for Pacific Holdings Limited from 2001 to 2016 and Quicksilver Courier Company for Atlanta, Georgia 1985 to 1989
E begin im political waka for 2007, become senator to represent Osun west senatorial district afta im broda, Senator Isiaka Adetunji Adeleke wey be di first civilian Govnor of Osun state die.
Moshood Olalekan Adeoti Action Democratic Party (ADP)
Dem born Moshood Olalekan Adeoti for Iwo, Iwo local goment area of Osun State for 27 February 1953.
Im start im primary school education for District Council Primary School for 1959 and Aipate Baptist Day School for 1964. Im finish for 1974.
Im graduate from University of Benin wia im study Bizness Admin for 1984.
E become state chairmo of Alliance for Democracy party from 1998-2003, state chairmo of Action Congress from 2006-2010, state chairmo of Action Congress of Nigeria from 2010-2011.
Alhaji Fatai Akinbade African Democratic Congress (ADC)
E join Osun state civil service wia im work for 16 years under three military administrators and civilian gorment of Olagunsoye Oyinlola. African Democratic Congress (ADC)
For 2003, dem appoint am as Secretary to di State Goment of Oyinlola.
For 2010, e announce say im wan join 14 odas contest for govnor seat inside Osun State but dem reject am.
Akinbade later come be di candidate for ADC inside dis election, two weeks afta e comot PDP.
Isiaka Oyetola All Progressives Congress (APC)
Dem born Isiaka Oyetola for Iragbiji ni Boripe local goment area for Osun State.
Oyetola follow for those wey start Allaince for Democracy party (AD) and begin life as politician for 1997.
Even though im don be politician for 20 years, dis na di first time e dey run for office.
Some pipo believe say im be paddy-paddy to Govnor Rauf Aregbesola and APC national chairmo, Ahmed Tinubu.
Senator Iyiola Omisore Social Democratic Party (SDP)
Dem born Iyiola Omisore was born for di old town of Ife inside Osun State for September 15, 1957.
E be di Osun State Deputy Govnor to Bisi Akande between 1999-2003.
Dem vote Omisore as Senator to represent Osun East under Peoples Democratic Party, PDP, between 2003-2014.
E contest for govnor seat inside di state for 2014, but Govnor Rauf Aregbesola win am.